Haqqımızda

Hər ana üçün qızı bir mələkdir. Mələklərimizin öz anaları ilə eyni aksesuarı daşıması isə zövqlü seçimden, gözelliye zərif toxunuşdan xəbər verər. Biz sizləri düşündük. Əl əməyi və sevgimizlə hazırladığımız məhsullarla xidmətinizdəyik. Mələklərin seçimi – Nargiz brendi. Bizə məxsus “Nargiz” şirkəti uzun illər boyu təbii dəridən hazırlanan yüksək keyfiyyətli eksklüziv məmulatların yaradılması layihəsinin üzərində işləmişdir. Şirkətimizin məqsədi – son dəbin tələblərinə və alıcıların tələbatına, estetik zövqünə cavab verən, eyni zamanda öz rahatlığı və davamlılığı ilə seçilən nəfis aksesuarların yaradılmasıdır. Şirkətimizə işləmək üçün ən təcrübəli, mükəmməl və incə zövqlü, eləcə də öz fantastik ideyalarını konkret məmulatda əks etdirmək məharəti ilə seçilən ustalar cəlb edilmişdir. Ustalarımızın əllə hazırladığı hər bir məmulat – əsl incəsənət əsəridir. Bakı şəhərinin başlıca rəmzi olan Qız qalası… Bu qədim qala tarix boyu neçə-neçə şair və musiqiçini poema, əfsanə, operalar yaratmağa ruhlandırmışdır. Bütün dünyadan doğma şəhərimizə təşrif buyuran qonaqları məhz Qız qalası qarşılayır və onun qədim, əsrarəngiz, sirlərlə dolu tarixi və mədəniyyəti ilə tanış edir. Bizim “Nargiz” şirkətimiz də öz yaradıcı ideyalarında təbii dəridən hazırlanmış brend aksesuarlar üçün məhz Qız qalası obrazını əsas götürmüşdür. Təcrübəli ustalarımızın əllə hazırladığı hər bir aksesuar öz nəfisliyi, fərdi müstəsnalığı və müəllif ideyasının unikallığı ilə seçilərək son dəbin tələblərinə cavab verir.